Friday, October 25, 2019
اعصار medicane في مصر
هل يضرب إعصارميديكن مدينة الإسكندرية ؟
اليوم يتوقع حدوث طقس مناخي نادر يضرب مصر ولا نعرف حتى الآن مدى قوته ، فقد توقع خبراء الأرصاد ان تكون سرعة الرياح 43 كم في الساعة وهو شيء غير مريب ولا داع للخوف منه ، لكن الواشنطن بوست صرحت أن إعصارميدكن سوف يضرب سواحل البحر المتوسط ومنها مصر بالطبع ...
وقد دبت كلمة "إعصار" الرعب في قلوب الشعب المصري الطيب الذي لا يعرف ما هو الإعصار ولاكيف نتعامل معه !
وحتى الآن لم يحدث شيء مريب _الحمد لله_ مجرد أمطار ورياح قوية إلي حد كبير فقط , ولزيادة الطمأنينة في قلوبنا لا بأس بمعرفة الاحتياطات الواجب أخذها عند حدوث ما يسمى إعصارا - إن حدث_ وهي كالأتي :
التأكد من غلق كافة الأبواب والنوافذ .
عدم النظر للسماء في حالة البرق .
التأكد من إزالة كافة المتعلفات في البلكون .
عدم ركن السيارات تحت شجر او بلكون قديم .
لا تترك حيوانات أليفة أو طيور في البلكون .
في حالة النزول للشارع , لا تلمس عواميد الكهرباء وتأكد من عدم المشي على صرافات مياة وابتعد عن البلكونات القديمة المتهالكة .
لابد من متابعة أخبار الطقس أول بأول . والله خير حافظ
#عاجل
#اعصار
Wednesday, October 23, 2019
المناهج الجديدة
انا أم لطفلة في سنة تانية ابتدائي والسنة اللي فاتت ابتدينا ندرس بالمناهج الجديدة
والحقيقة انا اتصدمت
!
!!!
اتصدمت من قوة وجمال المناهج ... في البداية كنت بشترك في مدرسة تعليم منزلي امريكية تدرس المناهج الامريكية بمقابل مادي
حوالي 350 جنيه في الشهر والمناهج جميلة واستخدمت المدرسة دي عشان اوفر فلوس المدارس الانترناشونال اللي بمئات الالوف
ومش بتطلع تلميذ مجتهد
وطبعا المناهج الجديدة انا استغربت انها بنفس قوة المناهج اللي بدفع فيها كل شهر 350 جنيه طبعا الاحلى ان الكتب ورقية وكمان فاخرة جداااااااااااا
الاطفال بيحبوها وكانوا بيحسبوها مجلة !!!
وانا استغليت ده وخليت الدراسة تتحول للعبة وخاصة ان المناهج مليانة نشاطات تلوين ورسومات جميلة جذابة ونفعت بنتي جدا الفكرة دي وحبيت الكتب والدراسة الي
حد كبير جدا ومرضي جدا ليا كأم
ا
لحاجات الجميلة لازم نتكلم عنها وننشرها عشان كلمة الحق لازم تتقال مهما كان
وضع اي حاجة تانية وحش .
حاليا في سنة تانية انا معجبة جدا جدا بالمناهج اللي بتحترم عقلية الاطفال ... وبستغرب من الاهالي الغاضبين
الحقيقة هم مش غاضبين ...هم عندهم للاسف جهل شديد جدا بالعلم والتعليم
لازم يتعلموا ان التعليم هو مرونة للعقل والفكر والتفكير
كلام صعب وكبير ...ناس اتعلمت بدرجة نجاح واطلع دكتور عشان يقولوا الدكتور راح الدكتور جه ...اطلعي دكتورة عان تلاقي جوازة حلوة !!!! هو ده بس اللي يعرفوه عن التعليم !!!! معلش كلها تابوهات وبتتكسر على دماغ التخلف
سيبوا العلم يدخل بيوتكم.... سيبوا النور ينور عقول اطفالكم ...اتركوا التخلف والغش والنجاح بدرجة النجاح وبس
المرة دي انا اتكلمت بسرعة وباختصار شديد عن المناهج الجديدة ووضحت وجهة نظري ووجهة نظر الكثير من الاهالي . المرة الجاية هشرح لكم ان شاء الله تعالى ليه المناهج دي مهمة لاولادكم ومستقبلهم البعيد ؟ ليه انا بكتب لكم عن المناهج دي ؟ وهكتب عن دور النشر للمناهج الجديدة .
x
Subscribe to:
Comments (Atom)